本周六晚維港將有國慶煙花滙演，仲未決定喺邊度睇嘅話，可以考慮包間煙花海景房，呼朋喚友一起高興又得，同honey溫馨浪漫亦得。
除咗洲際、君悅、四季，煙花海景房仲有其他好選擇。金鐘太古廣場奕居，算較冷門選擇。這家酒店賣點係「猶如私人居所般的個性化精緻豪華酒店」，由年輕設計師AndreFu設計，佢曾經獲得美國版《CondeNastTraveler》雜誌譽為「亞洲設計界的風雲人物」。
位於奕居48樓嘅penthouse套房，面積1960方呎，有兩間房，除客廳可以望到維港景致，其中一間浴室都睇到煙花景，你大可浸在浴缸欣賞當夜煙花燦爛，感覺一流。每晚2.8萬元，包米芝蓮1星餐廳CafeGrayDeluxe早餐。