拜仁慕尼黑年年季初都害人不淺，而且仲會好冇廉恥咁照去慕尼黑啤酒節（每年9月下旬至10月頭舉行）。不過今季佢哋一反常態，開季嘅表現好到你唔信，就算日前去啤酒節玩完返嚟，狀態一啲都冇受影響，前晚喺德甲主場對利華古遜，憑湯馬士梅拿、雲拜頓同洛賓各入1粒而大勝3:0，連贏走勢增至9場，兼且仲要係零失球，開「咧」至今喺11場比賽錄得10勝1負。嚟緊禮拜二佢哋會喺主場同英超曼城進行歐聯，曼城季初都好掂，9戰攞到6勝2和1負，仲同曼聯一樣喺6場聯賽取得5勝1和，只係得失球唔夠好先屈居第2位。睇吓拜仁對住曼城，可唔可以延續勝利兼不失球走勢啦！
