澳門直擊周秀娜黐星爺撞板

澳門直擊
周秀娜黐星爺撞板

周秀娜、何佩瑜(Jeana)、余曉彤(Hidy)與藍燕等前晚到澳門捧佐治童子場,從杭州趕返港只露背的娜姐,性感不及谷胸的Jeana。娜姐剛接拍周星馳的戲,有報道指她黐星爺,她即激動轉身,怎料頭撞背後的簽名板,痛至儍笑的她說:「冇話黐唔黐,每個演員都想拍唔同電影,我係黐黐哋,我係佢fans,我細細個就鍾意佢。」

不倒胸Jeana(左)自知谷胸搶鏡贏晒Hidy,即時得戚舉反V手勢。

周秀娜(左)性感不及師妹Jeana,惟有人氣搭夠。

瘦如紙片人的藍燕力谷咪咪,加上內裏的bra-top,自然博得影相位。

讚細心教戲

談到不少人跟星爺合作也傳緋聞,男友豈不會擔心?娜姐說:「冇諗呢啲,拍戲好開心,我驚佢(男友)鍾意佢(星爺),唔鍾意我。」娜姐指星爺對男女演員都好好,細心教大家做戲,每場戲都跟足。
此外,Jeana得知被鄧伊玲寸她似吹氣公仔,她自言嘴唇薄不似,又說:「吹氣好嘥氣,棉花好攬啲,不過我好難出公仔,我太高大,好難搬返屋企。」
採訪:馬建華
攝影:陳慧安