城市電訊主席王維基近日向無綫幕前幕後以銀彈攻勢進行大挖角，對於無綫孤寒，曾是無綫力捧小生的林文龍，前晚出席活動時不留情面大踩娘家說：「呢樣嘢唔係秘密。」
無綫近日面對嚴重挖角危機，曾是無綫小生花旦的林文龍和郭可盈夫婦，前晚到機場富豪酒店出席慈善活動，對於近日電視圈的挖角潮，林文龍說：「要睇劇本，邊個都好，拍咗咁多年有信心先接，以前好多舊人都返內地拍劇，舊唔走新上唔到位。」有指無綫孤寒，林文龍即附和說：「呢樣嘢唔係秘密，酬勞唔多，但影響力比較大。邊個行業都好，最緊要百花齊放，我係TVB出身，感情一定有，返去拍，錢係一個原因，時間同劇本亦係考慮因素。」而郭可盈就自言現時全職湊女，拍劇交由老公負責，自己主力接拍廣告。
張兆輝讚有誠意
電訊魔童王維基的免費電視將於明年開台，為吸納人才，王維基近日頻向無綫挖角，為表誠意更逐一親自致電游說幕前幕後加盟。據悉，最新挖角名單包括稍後為無綫拍處境劇的張兆輝、商天娥和綠葉陳榮峻等，又盛傳王維基正力邀前資深電視人劉天賜和蕭若元任新電視台軍師。記者昨致電賜官求證時，他笑說：「傳聞啫，佢冇搵我。」
對於獲王維基力邀拍劇，張兆輝昨在電話中直認不諱：「佢有聯絡過我，但未有時間坐低傾，家要完成手頭工作先。佢好有誠意，親自打嚟，直接啲。」有指王維基任張兆輝開價，張兆輝說：「都唔知點開，會交畀經理人傾。家唯一要求唔係錢，唔想綁咁耐，主要係自由度同劇集質素，希望拍啲有新idea嘅嘢。」商天娥則不願多言：「唔講啦，我同TVB嘅約仲有成年。」
唐基明穿針引線
有傳王維基減抽佣利誘陳豪過檔，陳豪昨到銅鑼灣出席Shell宣傳活動時說未收過邀請：「同TVB合作有段時間，走唔甩。」
另外，昨有報道指王維基今次向無綫挖角，是前金牌編審張華標穿針引線，但據悉已離職的無綫監製唐基明才是中間人，由於唐基明跟王維基一親友份屬好友，是以唐基明落實明年為王維基開劇之餘，更為他搭路聯絡無綫一眾幕後人。而無綫至昨日為止共接獲12封幕後辭職信，為作挽留，無綫決定不論是否辭職也一併加薪百分之30至40，並要求員工簽一年約。
採訪：王崇穎、魯萍
攝影：陳順禎
