容祖兒為新碟噚日喺青衣舉行簽名會，對於無綫《勁歌金曲》打算搵有話題性嘅歌手亮相吸引觀眾，問祖兒介唔介意與何韻詩同台演出，佢話：「我冇話題性，不過我唔介意，要睇公司肯唔肯，可能公司唔想我有其他無謂嘅新聞。」另外，無綫流失唔少藝員，問有冇斟祖兒拍劇？佢話：「冇呀，要有信心先拍，擔心幫唔到自己又累人。」