仲記唔記得02年世盃16強南韓對意大利場波入面，趕托迪出場個球證摩蘭奴（圖）？03年呢位厄瓜多爾球證兩度被禁止執法當地聯賽，而其中一次就係因為喺一場比賽補時補咗成12分鐘，被罰之後佢就冇做。上年喺紐約機場俾人捉到佢運海洛英，今日法官判佢坐兩年半。唔知呢啲係咪報應，不過可以肯定佢要洗定個八月十五喇。