黎明旗下新人JW前晚於銅鑼灣一間卡拉OK與歌迷見面，她表示兩日後便要返英國繼續學業，她說：「我仲有一年要讀，不過一啲都唔覺得辛苦，因為自己都鍾意咁忙。」
JW透露新碟一早已錄好，但她不心急出碟，一切由公司決定，她說：「我自己唔急，應該今年會出，咁暑假就要返嚟宣傳，睇吓幾時啱時間先出。」
避談G.E.M.
現場所見JW有少許肥胖，問她會否減肥？她說：「一定要啦，自己都想上鏡好睇啲，以前唔會理，入咗行就一定要注意，媽咪同家姐都好緊張，唔想見到我啲相唔靚。」問JW回港有否聯絡以前一起學唱歌的鄧紫棋（G.E.M.），她卻顯得避忌指不想講及其他歌手。
採訪、攝影：胡比