前行會成員羅仲榮的兒子、電芯太子爺羅揚傑，前晚和酒店老闆娘女友結束三年愛情路，在邵氏影城舉行婚禮。一對新人貪影城夠黑，不過現場漆黑以外，更相當大風，吹到來賓人人裙飛髮亂，鄭詩韻更被吹到如穿降落傘。前晚官紳雲集，特首和三名疑似候選人更同場聚頭。
有電芯太子爺之稱、金山集團後人羅揚傑（Alan），前晚跟拍拖三年的JIA酒店老闆娘黃佩茵（Yenn）結婚。兩人在邵氏影城變身只此一晚的郊外大宅，宴請800名嘉賓。新郎Alan以中西式禮服見人，他謂看中場地夠黑，他說：「賓客比較多，香港可以請咁多人嘅場地唔多，呢度夠黑，四面黑牆可以自由發揮。」Alan指自己的求婚過程絕不浪漫，但簽紙時也感動到眼紅紅。
花草佈置
婚禮在邵氏影城舉行，來賓要在露天位下車，除了黑，強風更吹得人人裙飛髮亂。鄭詩韻的長裙也被吹成降落傘一樣，她大讚婚宴佈置有心思：「全場都係花花草草，牆上嘅壁畫係新人卡通化嘅樣，同佢哋作風好似，好令人開心。之前新人出場，啲兄弟姊妹走晒出嚟跳舞，跳足全晚，連司儀個咪都好似打boxing嗰啲吊咪，好好笑。」
新郎好友、潘廸生女兒潘楚穎更恍如記者上身，四圍影相，之後更接到花球。鄭詩韻又透露折現外，更送了一個免費的公關活動做賀禮，她又謂11月會搞活動，愛德華王子將來港出席。
由於新老爺羅仲榮是前行會成員，前晚不少高官名人都有出席，包括之前傳有胰臟癌的羅慧娟，她看來精神不錯。
特首雲集
特首曾蔭權和三位疑似特首候選人唐英年、梁振英及范徐麗泰更齊雲集婚宴，連諗過參選的葉劉淑儀、曾經參選過第一屆特首的吳光正都在場。不過，特首到場不足兩分鐘，梁振英火速閃人；特首7時半離開，唐英年也撤退，十分奇幻。
此外，年尾喜事多，模特兒Cynthia和製作公司老闆昨日舉行婚禮，名模陳嘉容、莊思敏、姚予晴、蘇永康等都有去飲。
採訪：馬建華 攝影：仇志德