讀書嘅時候曾經係愛華頓嘅球迷，嗰陣時鍾意佢哋，係因為佢哋有我嘅兒時偶像連尼加，點知連尼加打咗一季就閃咗過巴塞，好彩隊波仲有個名只係爭一個字嘅史堤芬同埋史堤芬斯。好記得佢兩個金毛仔，一個打進攻、一個打防守，喺右路亦好夾，而且由球會打到入英格蘭國家隊，可惜史堤芬斯喺88歐國盃揩大鑊，從此喺國家隊亦冇運行，之後仲俾史堤芬攞埋個右閘位㖭。家陣對愛華頓冇乜感覺，班波嘅質素唔差，但始終冇以前咁有星味，今晚佢哋作客曼城，唔慌有運行。曼城今季打得好，但從來唔覺得領隊文仙尼有料到，隊波勁皆因有阿古路、大衛施華同拿斯尼呢啲咁勁嘅球員。講進攻佢哋同巴塞有得揮，信佢哋贏到。
青蛙仔
星期六11
曼城vs愛華頓
心水：曼城和[-1]
心得：曼城唔差得過巴塞