無綫藝員、綠葉王李國麟最近也被城市電訊創辦人兼主席王維基挖角,昨日他接受商台節目訪問,大爆王維基親自來電相約傾過檔,李國麟表示王開出條件非常好,銀彈政策的確令他一度動搖。
老婆阿媽黑面
李國麟說:「王生真係一個好好嘅sales,但見佢之前我已經應承咗珍姐(曾勵珍),所以我都好坦白同王生講,應承咗人就唔可以反口。」他透露雖已推說不過檔,但之後王生依然親自致電再叫他考慮,他說:「真係好難得,一個老細肯咁樣再次打嚟,冇機會合作,都希望佢有番作為。」
李國麟表示雖然無綫有加薪,但留下的決定,卻被老婆跟母親反對,他說:「佢哋知我留低,即刻黑晒口面,雖然我都覺得有啲蠢,但喺無綫30幾年,我都得到唔少嘢,珍姐又應承我畀多啲時間我返內地搵錢,希望有勁敵後,公司對藝員待遇可以好啲啦。」
撰文:林妃