趣趣地:泰維斯落選攞嚟衰

趣趣地:泰維斯落選攞嚟衰

阿根廷最近公佈咗世界盃外圍賽嘅大軍名單,估下邊個冇得玩?係呀,曼城前鋒泰維斯(圖)又落選啦!其實自從美洲國家盃8強俾當屆冠軍烏拉圭踢咗出局之後,27歲嘅泰維斯就一直被國家隊拒諸門外。諗真啲其實係佢自己攞嚟嘅,如果唔係佢自己一時話要走返阿根廷踢波,一時又話要留喺曼城,曼城領隊文仙尼又點會買阿古路唔用泰維斯呀?家英超又冇正選,國家隊又冇入選,呢隻阿根廷野獸真係要醒定定乖乖哋囉。