由於一向係二奶台英文台嘅粉絲，所以由《不文山》（BennyHill）到《戇豆先生》（MrBean）都有睇，仲帶畀我唔少歡樂。唔知點解，做戲好笑嘅人，喺現實生活一啲都唔好笑，仲好嚴肅㖭，由馮淬帆到MrBean路雲艾堅遜都係，不過，咁先凸顯佢哋嘅演技係幾咁出色，有時笑戲比劇情片或者苦情戲仲難演；所以雖然知道路雲艾堅遜嘅最新作品《特務戇J之救國大業》唔會有乜嘢驚喜，但係都打算捧場。
即係好似阿積士咁，明知佢哋隊波太重用年輕球員，周六嘅荷甲對住強隊川迪時要讓成半/一、單W亦只得1.6倍，實在唔抵，但捧開有感情，隊波又畀過我唔少美好回憶，所以照捧上盤。
吾中
星期六73
阿積士vs川迪
心水：阿積士（上）
心得：阿積士要報荷超盃一敗之仇