32歲的吳卓羲去年與24歲的張馨予撻着，雖然分隔中港兩地，但感情有增無減。堪輿師麥玲玲看好「卓馨戀」兩年內有望開花結果。
麥玲玲昨在電話說：「吳卓羲命格水旺，好啱異地緣，佢適合同外地出生女仔拍拖，拗撬少過同港女，吳卓羲呢幾年開始以認真態度戀愛，佢哋嘅戀情出年更浮面。」
多情多慾
最快幾時拉埋天窗？麥玲玲說：「佢哋出年感情仲好，後年唔覺意有喜都好啱結婚，其實後年同大後年都適合結婚，否則又攤凍番。」
另一堪輿師區仲德則指肖羊的吳卓羲旺異地情，他說：「佢多情多慾，好容易喺異地有女性緣，佢家到39歲都未想結婚，女方要綁住佢必要命格多土，我建議張馨予不妨多用身體魅力箍住男友。」