相信好多中坑同我一樣，兒時選冧巴溫嘅電影一定《星球大戰》系列，翻做都入戲院睇完又睇，最鍾意幫襯就係舊時彌敦道間凱聲戲院。屈指一數，由77年第1集開始，加埋前傳做咗6集，呢個夢發咗30幾年都仲未醒；點解？因為製作人識搵我哋班星戰迷錢。喺上個禮拜又出咗套名為《星球大戰全集》9隻藍光碟，賣成千銀，畫面據講靚到震。錢都係其次，最煩係屋企要放部藍光碟機。
上個禮拜推介大家買頭場清水心跳，順利得手；今次一樣博今日第1場札幌岡薩多對德島漩渦呢場前列大戰，札幌剛周中大炒東京，不過體力消耗極大，仲有咁筍少讓平/半，其實德島作客戰績硬淨，點會輸蝕！
蘋果波神
星期六1
札幌岡薩多vs德島漩渦
心水：德島漩渦（下）
心得：岡薩多拼得太密讓唔起