陳山聰自從和賭王千金何超雲拍拖後，工作一浪接一浪，他昨晚在中環出席名店活動，獲女友到場支持，更有指他騷價十級跳，上升到10萬，超雲講明「希望佢越來越好」，山聰見女友體貼，亦識做強調新劇和高海寧無親熱戲。
賭王千金何超雲和陳山聰的戀情公開後，陳山聰獲女友「加冕」，拍劇、出騷、亮相名牌機會大增。山聰昨日在中環接連出席Valentino男裝及LandmarkMen兩個活動，而女友超雲則以代表媽咪（三太陳婉珍是東華副主席）為名，換個名目到場為男友打氣，但大會新聞稿則以「情侶檔」形容。
談結婚即
有傳山聰現時騷價十級跳升，由6千跳到10萬，他聞言即說：「誇張咗喇，酬勞唔方便講，工作量都係同以前差唔多啫。」他表示無收到做男主角拍劇的邀請，也無意由TVB轉換新環境。問超雲想男友發展如何？即說：「我希望佢越來越好。」更笑言要挖男友角。
山聰新劇夥拍高海寧，高海寧出名好身材，超雲說不認識高海寧，問她可會禁止男友拍親熱戲？超雲即說：「佢自己識做啦！」身旁的山聰即時搶答：「冇，今次呢套係冇親熱戲嘅！」山聰又不忘大讚女友的新髮型，超雲表示有時間會去探男友班，至於有否拍拖減肥，超雲沒好氣說：「冇呀！」問超雲幾時結婚？她即有點：「又問？唔好次次都問呢啲咁悶嘅嘢啦。」
謙仔維護傅穎
此外，傅穎生日前夕在微博公開懺悔，昨晚亦有出席活動的羅仲謙表示未睇，但會睇。傅穎自認大白癡，問謙仔覺得傅穎是否不正常、會否原諒傅穎及自己可要懺悔等問題，羅仲謙一律不敢多講，不斷說「交畀公司處理」作回應，但表示會傳短訊祝傅穎生日快樂，他又指傅穎EQ不錯。問傅穎是否生日博宣傳？謙仔說：「佢生日搵人傾吓、講吓啫，大家唔好太敏感。」對於有指公司偏幫謙仔，他說：「唔覺得係真，公司對每個藝人都好公平。」
採訪：盧妹
攝影：仇志德
