今年37歲的伍智聰（Eric），不似富二代的公子哥兒，帶記者到安徽考察牧牛湖，夜間到當地大牌檔，不怕污穢跟當地人同坐啖食串燒。Eric說，這樣吃才夠風味。
Eric的父親創辦興隆專營肉類批發，巴西為主要供應商。他說，自小喜歡跟父親逛街巿，周街「搵嘢食」，「我家每去一處地方都會逛當地街巿，內地主要省份嘅街巿幾乎去過晒」。Eric科班出身，19歲那年飛到加拿大大學修讀食品管理，每年暑假飛到巴西肉食供應商做暑期工，「讀咗四年書，差不多去晒巴西啲屠房睇劏牛，最後連啲同學都跟埋我去巴西屠房做實習」。
讀食品管理出身
畢業後，他回港從事家族生意，本身是順德人，8年前父親回鄉設魚塘，做魚肉生意，其間接觸安徽省官員，由他首次擔大旗，做起大閘蟹生意，「佢哋話10幾年前安徽似家陽澄湖咁，過份飼養大閘蟹，令污水受污染。當局決定改善水質養高質素大蟹閘，搵港商合作拎去香港賣。」
伍智聰說，自己讀食品管理出身，食品安全放第一，堅持牧牛湖全湖由他管理才做，「啲蟹唔安全，幾好都冇用。為咗保持水質，唔會養咁多蟹，牧牛湖每年出口大閘蟹數量180噸，大部份去咗日本，其次是台灣，最後香港，大約20幾噸。家計劃開放其他湖養蟹。」
《蘋果》記者