亞洲男籃錦標賽出現小風波，卡塔爾因為部份歸化球員未搞掂註冊手續而冇法參賽，只得7名球員可以落場，結果佢哋頭兩場就故意用犯規戰術，令球證被迫腰斬比賽，當然球證依例判卡塔爾輸波，而且卡國亦盡失體育精神。
相反，上周西甲巴塞8:0大炒奧沙辛拿，半場巴塞已經領先5球，如果有人問奧軍球員，腰斬判輸0:3好唔好，或者奧軍大部份球員都想，但佢哋冇真係實行落去，反而踢埋45分鐘。有啲國家幾有錢都好，都係唔知咩叫體育精神。講開體育精神，富咸都係靠公平競技，先有歐霸盃踢，但季初聯賽戰績明顯死火，5場都未開齋，周六作客西布朗都幾危險。
牽牛
星期六23
西布朗vs富咸
心水：西布朗勝
心得：富咸畀歐霸盃搞死