馬國明噚日喺將軍澳電視城錄影節目《新派煮意》，原來佢對煮食好唔熟手，但就自認係食家一名，因為佢好鍾意美食，無綫經常組情侶檔藝人搵銀，馬國明話有錢搵唔介意，緋聞越多越好，而近日無綫掀挖角潮，馬國明話：「仲有兩、三年合約，未走得，但好想返內地拍劇，內地劇薪酬好，間中拍一部都好，之前有機會，但接咗無綫個期接唔到。」