張敬軒將於11月跟管弦樂團合作演出，早前他接受訪問時表示，今次投資比紅館一貫的演出大，為了跟80位樂手合作更和諧，所以從未學過聲樂的他，已開始進修聲樂。面對早前李克勤有類似的演唱會，軒仔表示不怕被比較，他認為大家路線有所不同。
張敬軒將於11月在九展舉行管弦樂音樂會，與80位香港管弦樂高手合作。對於唱慣流行曲的歌手來說，要跟管弦樂家合作，確是有一定難度，張敬軒亦直認不諱，他表示刻不容緩，所以特別為這音樂會進修。
服裝落重本
軒仔日前說：「管弦樂騷相比紅館演出更加大，對表演者嚟講，演唱水平要好高及同樂手配合。平時10個樂手，今次仲要同80幾個老師夾，佢哋每一個都係古典音樂嘅藝術家，所以我都特登搵咗個老師，喺聲樂方面進修一吓，之前我一直冇學過聲樂。」屆時他要配合不同的樂器演出，所以要練習更多。
除了歌唱技巧要加強，其實視覺效果上，張敬軒也很花心思，他說：「服裝方面我都好重本，比平時紅館騷投資更大。平時做三、四套衫嘅錢，家只可以做到兩套，仍然會由陳華國操刀，而且會比較多色彩，唔想管弦樂好似只係着黑色踢死兔咁單調。」不過張敬軒謂希望觀眾的dresscode也可以配合一番，他說：「如果男觀眾着西裝，女士着晚裝，咁樣好似對樂團都多啲尊重。」
唱前輩作品
不過，這個騷不難令人想起早前李克勤跟香港管弦樂團指揮家葉詠詩的紅館演出，只是克勤跟香港小交響樂團合作，他亦是打破一向管弦樂團的表演，又是同樣配合不同樂器有生動的交流演出，張敬軒對此說：「我嗰隻classic啲，而且會翻唱前輩嘅作品，好似張國榮、梅艷芳同陳百強嘅歌。」
採訪：王連連 攝影：仇志德
化妝：HettyKwong 髮型：AaronKwok
