有業內人士透露，部份本港大型僱傭公司會在菲律賓及印尼等地自設培訓基地，美其名確保傭工服務符合港人期望，實際上是搞一條龍服務賺到盡，待外傭來港後始追討費用，菲國政府難以插手。
業內人士說：「家中介公司普遍向每個準來港傭工，索取港幣萬二至二萬零蚊『手續費』。本來菲律賓政府係禁止中介公司苛索金錢，但由於菲傭係嚟到香港，先至喺港方僱傭中心監管下追返相關費用，菲政府好難插手。表面上，港方唔會過問外地中介公司收費幾多，而傭工還錢亦好少直接還畀港方，但實際上港菲根本係一條龍。」
盛傳賣債給港財務公司
香港僱傭代理協會主席張結民堅稱大部份僱傭中心是與外地中介公司分開經營。但他承認，業內盛傳外地中介公司會將傭工欠債賣斷給香港財務公司。「坦白講，傭工唔窮都唔嚟香港打工，欠債十居其九；反正香港法例健全，僱主毋須太擔心被傭工欠債拖累。」
《蘋果》記者