今年靠寸嘴跑出嘅模Jeana（何佩瑜），辣盡全港模，連細細粒有「E奶紅姑」之稱嘅鄧伊玲（阿旦）也忍不住反擊，暗寸Jeana整容又似Mary公仔，寸嘴的豈只Jeana一人？阿旦又說寧願靠黐人上位，也不想靠寸嘴傷害到人。
現年27歲的「E奶紅姑」鄧伊玲身形嬌小，但身材絕對嬌人，笑起來氣質更像性感女神鍾楚紅。今年書展，模例牌推出噴血寫真，阿旦洞悉先機率先搶頭啖湯，6月已推出寫真集《reborn》，以半裸靚相兼32E巨乳擄走不少宅男。
難接受整容
阿旦強調寫真集sell真材實料，沒有用道具助拍，她說：「我寧願個感覺靚喎，幾好身材，好過一睇完本書入咗廁所。」今年寸爆的Jeana成功出位，難免成最大對手，阿旦即暗寸對方整容：「如果用佢家呢個樣，的而且確好似公仔樣，不過無謂作比較喇，因為公仔都有唔同類型，Barbie同Mary都係公仔，但就唔同用途囉，Mary公仔用途大家都明啦。」她直言Jeana樣子有別以往，可能是女大十八變，五官標致得似公仔，但她自問接受不到整容，會靠真材實料打出名堂。
Jeana近日寸傅穎是前輩，又寸其師姐DaDa（陳靜）牙肉大，阿旦即說：「戥佢哋唔抵，佢哋有付出努力，反而俾個後浪咁踩，但喺佢哋立場又唔可以講乜，鬧番轉頭好似益咗對方，不如我幫佢哋鬧好過。」阿旦又指做人不要單靠貶低人，處事要謙虛及尊重人。
獲志偉教路
「阿旦」這稱號是小時的花名，沒特別，但對於多了個「紅姑」稱號，阿旦更感開心及榮幸，她稱之前與曾志偉赴日本拍旅遊特輯，估不到志偉記得她叫紅姑，又教她入行秘訣是不要怕蝕底，她說：「Jeana靠鬧人寸人出位，我就唔想做傷害人嘅嘢，寧願靠黐，黐前輩同一啲幫到我嘅人。」阿旦起步比人遲，她認為有心唔怕遲，也獲無綫收費台主持男友阿感大力支持，她說：「男友冇話我性感，反而話我唔夠爆。」
採訪：溫敏芝
攝影：陳俊強
化妝、髮型：PhyllisKwok
