最近頻以情侶檔示人的陳豪和陳茵媺，昨終於分頭搵銀，但不約而同出席鞋品牌活動。陳茵媺與王浩信和陳自瑤齊行鞋騷，大會向茵媺送上一對男裝鞋，寓意她與陳豪共諧連理，最初她不明箇中意思，但經解釋後就說：「唔會喇，對我嚟講結婚係好遙遠嘅事。」茵媺表示不介意以任何形式出席活動，最重要是有錢搵。
陳豪認好夾
陳豪在另一活動亦說不介意為茵媺攞鞋，問陳豪會否叫女友買內褲？他說：「啋！唔得，呢啲嘢太私人，我喺呢方面比較保守。」陳豪透露茵媺曾經整蛋糕給他，他亦為女友冲咖啡，記者說他倆好夾，陳豪笑說：「都係，但又未到結婚地步，我媽咪都冇催我，反而你哋成日催我。」
採訪：王崇穎、卓寶花
攝影：陳慧安