獨霸電視圈半世紀的無綫，近年來小生花旦不斷流失，甘草演員也因不受重視而紛紛離巢，即將約滿的李國麟也批評無綫對他不睬不理，原本決定離巢，最後無綫高層曾勵珍挽留他，跟他續約兼加薪。
向來穩坐電視界一哥地位的無綫，最近由於小生花旦相繼離巢，歌手選擇不簽約，其他電視台又向幕後挖角，有效力無綫多年的甘草演員也做到很冇癮。
損失百萬酬勞
李國麟下月20日約滿無綫，無綫竟對他不聞不問，令他心灰意冷，一怒之下想在內地另創一番新天地，不過，昨日他和黎耀祥、敖嘉年等在電視城出席無綫新劇《造王者》開鏡拜神，李國麟透露無綫製作部總監（戲劇製作）曾勵珍已立即跟他續約兩年，加薪以千元計。今次留在無綫，李國麟直言放棄內地工作，足足損失了幾個七位數字的酬勞，他說：「冇TVB就冇我，雖然出面有人搵我，但我心在TVB。」
祥仔最怕嘉穎
另一位甘草演員李海生將於11月約滿，雖然未獲無綫傾續約，但他選擇樂觀面對，他說：「有角色啱就搵我，公司都係唔想年紀大嘅演員辛苦，而且通常都係早一個月先傾。」年底約滿的郭峰被問到會否覺得無綫對甘草演員有疏忽之處﹖他說：「見仁見智啦，平時都唔會咁早傾約。」敖嘉年則說：「相信公司有方法處理，可能暫時未傾到，唔係唔傾。」
至於薛家燕昨日在電話中表示甘草對每套劇都很重要，她說：「我估都係一時疏忽，希望無綫留意吓。」胡杏兒則道：「我唔想好演員好幕後走，我相信公司有一定策略應付。」問杏兒若有電視台高薪挖她走，會否考慮？她說：「我同無綫仲有合約，我會做好自己。」。
此外，有指謝天華不夠班做視帝，黎耀祥昨日指《潛行狙擊》大受歡迎，故不能這樣說，不過他直言今年視鄭嘉穎為最大競爭對手。
採訪：王崇穎
攝影：陳慧安