對於梁振英口說辭去行會職務，實際上卻未遞辭職信的做法，不少政圈中人不感意外。事實上，若非唐英年突然決定提早辭職參選，梁根本不會為搶頭啖湯而搶閘辭職，且政圈早已盛傳，梁振英任行會召集人是中央支持，除非梁自願辭職，否則就算他「踩界」帶職備選，特首曾蔭權也難「踢佢出局」。
「唐唔走，佢死都唔走住」
有親北京政界中人指，由梁表態有意「去馬」選特首，他已不斷被問及何時辭去行會職務，梁只說適當時候交代；直到唐營突然放風，指唐英年改變策略，提早10月施政報告公佈前辭職，梁即時宣佈會盡快辭去行會召集人職務，顯示梁根本是「睇住唐英年嚟打」，不會輕易提早辭職、讓唐英年有任何優勢，「你唐英年唔走，佢死都唔走住，但係你唐英年一有郁動，佢就要快過你」。
中央撐腰「特首唔敢郁佢」
另一政界人士表示，梁振英備選期間已不斷「踩界」，違反行會集體負責制爭民望，「特首仲話搞工資保障運動，佢（梁振英）已經話冇用，要搞最低工資；特首話唔復建居屋，佢又唱反調支持」。當時有人指曾蔭權要懲處梁，但曾未有任何行動，之後傳出梁有中央支持，曾蔭權難「踢佢出局」，就算昨日梁不遞辭職信卻四出張揚辭去行會職務，也不怕被特首辦反擊，「因為佢知曾蔭權唔敢郁佢」。
《蘋果》記者