【本報訊】雖然泰國香米極可能於未來數月持續漲價，但金源米業副主席林世豪卻認為，重現08年市民到超市「搶米」情況的機會不大。
「當年係因為同時出現幾個壞消息，包括全球白米求過於供、美元貶值、油價上升等。但家呢啲因素似乎唔存在，唯一壞消息係唔知英祿嘅托市政策持續幾耐，所以除非其他產米國突然宣佈失收或減出口，否則未必再有人搶米。」林世豪說。
泰米市佔率跌至六成
根據工業貿易署數字，雖然泰國香米仍是港人最愛吃的米，但泰國香米市場佔有率已經由07年的九成，下跌至今年的六成。林承認，其集團本身雖然做泰國香米起家，但實際上現在亦不再單單從泰國購米，「咁大間企業，冇理由盲目畀一個國家牽住個鼻走！實際上其他周邊產米國如越南、緬甸、印度，甚至澳洲，已經一樣生產到高質素香米，就算佢哋喺泰國帶動下抬價，依然平一截」。
港九罐頭洋酒伙食行商會副理事長李廣林認為，大陸米亦勢頭甚勁。根據統計，去年從內地入口的絲苗及油粘米，比07年勁升三倍。「好似東北大米咁，近年幾受香港人歡迎呀！其實（很久）以前內地米根本佔香港七成市場，家泰國米咁貴，大陸米隨時再次抬頭。」