【本報訊】行政會議召集人梁振英繼早前宣佈積極「備選」特首後，昨日趁行政會議復會搶閘宣佈已向特首曾蔭權辭去行會職務，預料一周內正式生效，但原來特區政府至今未收到梁振英的辭職信，亦未確定離職日期。有政界人士形容梁振英此舉是要「舔到盡」，因唐英年可能在今日辭職，梁要預先宣佈，顯示較唐更有決心「去馬」，亦可暫保住行會召集人身份爭取曝光。
記者：莫劍弦、陳雪玲
行政會議昨日首度在添馬艦新政府總部舉行會議。由於梁振英事先張揚會盡快向特首請辭，加上盛傳唐英年已向政府「口頭」辭職，引來大批記者採訪，但行會成員統統「封嘴」不回應特首選舉問題。
搶先造勢 兼享行會方便
梁振英在會前五分鐘抵達總部，向在場傳媒重申會盡快宣佈辭職。會後，梁振英率先離開，並主動走向記者採訪區，強調已經與曾蔭權商討辭職安排，對方亦已接受，他交代指：「今朝嘅決定係我會盡快辭職，具體時間家仲未知，大概需要幾日、一個禮拜嘅時間；將手上（行會）嘅工作處理好，就會正式離開行政會議。」至於何時正式開展特首競選工程，梁未有正面回應，只笑着說：「下星期同大家講。」有消息指唐英年極可能會在今日辭職。
行會成員、民建聯副主席劉江華會後透露，席間未有討論梁振英辭職問題，梁亦非在會上遞信。據了解，梁振英雖然主動公佈辭去行會職務，但他直至昨天仍未曾遞辭職信。政府消息稱，他只是在行會開會前私下向曾蔭權口頭交代辭職意向，政府沒有想過梁振英會將兩人私下對話當作正式請辭。有官場中人稱：「其實佢講咗好耐話辭職；若佢有心真係想盡快走，今日就應該帶埋封辭職信畀特首，而唔係口頭交代。」特首辦回應查詢時表示，曾蔭權昨日召開行會前得悉梁辭職意向，原則上已經接納，但梁的具體離職時間表仍有待商議。
有政界人士相信梁事先張揚辭職，但又不肯遞辭職信，無非想「舔到盡」，「佢要搶喺唐英年之前宣佈辭職，顯示佢比唐英年更主動去馬，但係又要保住行會召集人身份，因為冇咗呢個身份，好多官方或者建制派活動未必會請佢去，對佢爭取曝光同拉選委票會有影響」。
學者：對爭取民意無好處
公民黨黨魁梁家傑分析，梁振英要搶先宣佈辭職，可能是要令中央騎虎難下，不可再勸退他，但梁家傑直言不論未來特首是唐英年或梁振英，根本無甚分別，「因為都係會跟阿爺音樂起舞嘅人」。
中文大學政治及行政學系高級導師蔡子強分析，由於行政會議成員要解除職務，只需特首接納即可，故梁振英看準這個優勢，快唐英年一步宣佈參選，以顯示他在特首選戰上事事搶佔先機，以建立處事主動、積極的公眾形象，但蔡子強不明白梁為何不肯交辭職信，因為不正式辭職對他爭取民意並無多大好處。