足球同籃球風馬牛不相及，但電子遊戲開發商EA就搵咗NBA太陽嘅尼殊（右），同埋美國女子足球隊門將蘇露（HopeSolo、左）嚟一次crossover，一齊拍新電子遊戲「FIFASoccer12」電視廣告。兩位主角，女嘅30歲，男嘅37歲，但有機打就變成大細路；本身係足球迷嘅尼殊未開波前，仲攞對手個名嚟開玩笑，話佢係hopeless，雖然尼殊先入波，但跟住無以為繼，被蘇露連入3粒反勝。佢兩個喺廣告入面手舞足蹈，交足晒戲，相信廣告商一定收貨，大家不妨上呢度 http://www.youtube.com/watch?v=CmOuegK-6Gw睇睇。