醒目仔永遠最受歡迎，識得老闆嘅醒目仔，先至長撈長有！好似喺今夏轉會最後時刻，由紐卡素加盟英超「升班馬」昆士柏流浪（QPR）嘅祖爾巴頓，佢做埋球隊隊長後人氣急升，幾乎日日有新聞，好似佢揶揄狼隊中場卡爾亨利係白痴仔同好業餘。最新一單就凸顯祖爾巴頓「世界仔」風範，英傳媒報道佢喺球隊搭長途巴士時，絕唔偷懶，攞住QPR領隊禾諾克本自傳熟讀，查實祖爾巴頓係咪真係有睇內容已經唔重要，最緊要係呢招冧爆禾諾克就得啦！