黃宇詩日前被本報記者發現偕黑實猛男行街買餸，惟近日有人報料，指猛男其實是有婦之夫，因黃宇詩介入而跟太太離婚。黃宇詩知衰後前日澄清跟猛男只是人際關係體驗式課程的同學，對方婚姻出現問題與她無關，她已決定跟他絕交免再生誤會。
黃霑與華娃的女兒黃宇詩，上月17日被本報記者發現偕黑實猛男到中環蘇豪區逛超市買餸，二人猶如新婚夫婦般甜蜜，而買餸後猛男挽住大袋餸菜返回黃宇詩奧卑利街寓所，估計二人準備在家中煮飯仔。事後黃宇詩向本報記者表示對方只是朋友，但問二人有沒有發展空間時，黃宇詩一度表示：「有待觀察。」
「係佢同太太嘅事」
不過，近日有人向本報爆料，指當日偕黃宇詩逛超市的猛男其實是一名姓彭的有婦之夫，任職測量師。彭先生與太太去年一起參加一個名為「願景村」的人際關係體驗式課程，黃宇詩亦報讀該課程，從而跟彭氏夫婦認識，並介入二人婚姻成為第三者，現時彭先生正與太太辦理離婚手續。
對於被指破壞別人家庭幸福，黃宇詩前日在電話中否認說：「上次我都擔心影響人，佢係一個普通朋友，食餐飯，佢好gentleman，陪我去supermarket，件事出咗嚟都擔心影響對方。我知道呢個朋友處理緊佢婚姻嘅事，但唔關我事，我可以好肯定講畀你聽，呢件事係佢同佢太太之間嘅事，中間我都知得唔係好清楚，事關呢件事（一起逛超市）出咗之後，我都有同彭生傾過偈，我話唔好意思，因為我係公眾人物，影響到佢唔好意思。」
「我知引起啲是非」
黃宇詩續說：「我係冇介入佢嘅關係入面，件事我亦知道引起朋友間嘅是非，我都同佢講咗唔好意思，我做咗一啲gossip出嚟，我同我身邊一啲朋友解釋過呢件事唔係真，但出到嚟我都冇辦法，之後我都會盡量唔同佢contact。呢件事出咗嚟，要同佢saysorry，令佢屋企有乜嘢誤會，唔好意思。」
黃宇詩表示，閒時她也會約很多不同朋友出街，也會單獨跟其他男性朋友約會食飯，當日她只是「唔好彩」被傳媒碰個正着，她說：「我承認我同佢單獨出去，亦都咁唔好彩。」記者指當晚彭生上她香閨，黃宇詩解釋說：「佢gentlemanenough，因為我攞住啲嘢、買咗啲嘢，佢幫我攞上去，跟住佢就走啦。我其實請朋友返嚟、異性朋友返嚟，唔係一啲乜嘢嘢，都係好正經嘅，呢件事亦唔係真，要同佢saysorry。我唔想再引起其他誤會。」
「惟有下次小心啲」
問到現時有否跟彭生一起再上「願景村」課程時，黃宇詩說：「冇啦，其實當日成班friend一齊嚟捧我場（指舞台劇《中女解毒》），佢（彭生）唔嚟得，佢之後約我出嚟補返數，純粹朋友關係食餐飯，我冇理由拒絕，大家真係冇嘢。可能喺呢個時間有啲誤會，我打咗畀佢話誤會，但我做唔到啲乜嘢，所以冇再打攪佢，喺我身邊比較close嘅friend，大家熟識嘅friend我就解釋咗我立場同佢嘅關係。呢個課程好多人我唔識，但我聽見傳返嚟好多唔好聽嘅說話，圍內啲friend有啲攻擊性嘅嘢，我唔開心咗一排，但佢哋唔信，我都阻止唔到佢哋。」是否為避嫌不再跟彭生做朋友？黃宇詩說：「係呀，自己都忙，普通朋友都唔係成日聯絡。我係咁同彭生saysorry，that'salllcando！惟有下次小心啲，唔好再引起其他誤會。」
採訪：林妃
話你知：父母因林燕妮離異
黃宇詩被揭搭上有婦之夫，事實上她亦在破碎家庭中長大。67年，其父親黃霑與歌星華娃結婚，分別於68年和73年誕下長子宇瀚和次子宇文，一家四口本樂也融融。
結束9年婚姻
75年華娃懷有三女宇詩，但與此同時，黃霑因與林燕妮合作廣告宣傳撻着，性格剛烈的華娃毅然與黃霑離婚，結束9年婚姻，而林燕妮被指是第三者，受盡千夫所指。黃霑與林燕妮無懼閒言閒語走在一起14年，可惜最終亦分手收場。