【本報訊】患有思覺失調的中四生黃凌鋒，行為出人意表，結果惹來老師及同學的不滿。由於校方須保護其私隱，不讓其他人知悉其病情，但又要作出公平處罰，此舉頓成為死者父母眼中懲處其子的高壓政策。
「明知我個仔係病人」
黃母葉惠娟供述去年5月中，校方要「見家長」，社工告知其子的行為令其他學生「喊打喊殺」。校方要求其子要在老師監督下在早上服藥，令她大表不滿。「呢個仔要好細心睇住佢，佢唔當自己係病人，鬧大聲話佢『儍仔』，都會唔開心」黃母供稱。
黃母說，由於藥物會令人昏昏欲睡，兒子怕影響學業，一向習慣放學回家才服藥，從未間斷。黃母曾勸他：「不如轉校，喺呢度讀書冇一日開心過。」
黃母昨激動地慨嘆自己不懂教孩子：「我想求助，但冇能力，連佢最信任嘅老師都出賣佢，只係粒藥啫，食藥嘅事我哋父母有權理，老師只係教文化，搞到咁，邊個俾返呢20年我呀！」黃父黃陽照亦不滿校方記兒子大過，影響其升學，若再犯錯便會被踢出校。
他並指若兒子早上回校服藥，易惹起同學注意。他心中充滿疑問：「明知我個仔係病人，學校點可以咁對待㗎...點解食完藥三個字，個仔就冇咗？」