陳豪（Moses）與陳茵媺（Aimee）的戀情日漸浮面，昨日二人首度情侶檔銀，在旺角出席手錶活動時穿情侶裝示人，又不時情深對望和冧笑。Moses為Aimee戴上手錶，兩人猶如結婚預演般甜蜜到爆。
陳豪遭前女友廖碧兒狠撇後戀上陳茵媺，兩人並被指發展為同居關係。昨日，Moses和Aimee首次以情侶檔姿態出席活動，穿上情侶裝在旺角出席TITONI手錶專門店開幕。活動中，Moses為女友揀選了一隻粉紅色手錶，更為她戴上，猶如替她戴上婚戒一樣，令Aimee冧到爆，當着眾人面前大讚男友有眼光說：「好啱我心水！」
合照時，記者要求兩人企埋一點，但Moses顯得很不自然，連手也不知放在哪裏，不過望住Aimee就即刻冧笑！今次以情侶檔工作，Moses坦言感到很開心，問到酬勞是否較平時高一點，Aimee謂價錢是經理人處理。
享受齊齊銀
提到戴手錶如戴婚戒一樣，Moses聞言笑說：「好開心，今次係好難得。」記者笑指如結婚預演，Moses聽後立即哈哈大笑。記者指Moses合照時表現不自然，他笑道：「你哋囉，成日叫我哋做呢樣做嗰樣，好彩冇聽你哋講，我哋冇尷尬。」問是否已公開戀情？Moses笑言要慢慢來，記者再追問他們拍拖多久？Moses登時面紅耳熱說：「拍劇呀？乖乖哋啦！」Moses直言首次情侶檔公開見面的機會很難得，加上又可以一起賺錢。
拍劇增進了解
Aimee則說：「之後我哋仲一齊拍《天梯》，更加可以認識對方，更知對方性格。」對於兩人以情侶裝示人，Moses強調事前沒有夾定，並反問記者二人是否合襯，當記者笑指二人襯到如結婚一樣時，Moses即大耍太極說：「聽唔到！」
採訪：黃曉妍
攝影：陳志嵐
