運動員間輸賭好常見，但係玩嚟玩去都係賭汽水或者掌上壓。上星期五，挪甲嘅辛迪夫佐特就因為兩名副選門將安東臣及貝尼臣，喺挑戰正選門將用足球打網球中輸咗，結果被罰當眾剝光豬練波（圖），仲要練完先准着返衫。雖則雙方都係打龍，但諗住後生仔點都着數啲，所以賽前安東臣佢哋被視為熱門，點知最後都輸咗。今次咁羞家，睇下你哋下次仲敢唔敢挑戰老大哥？