何超儀同自己組成嘅樂隊JosieandtheUniBoy之前出咗新碟，近日四出做騷，地點包括台灣同內地，但最令超儀興奮嘅係早前去內蒙張北演出搖滾騷，因未去過，佢見到當地樣樣嘢都感覺新奇，大叫過癮。
笑Edison多女追
不過，此行都幾辛苦，由於香港冇直航機去嗰度，要先飛去北京再轉車去，足足坐成6個鐘，要凌晨3點幾先到達。今次個騷喺大草原搞，吸引十幾萬觀眾，搞到公路都大塞車。
超儀到達後大會安排咗蒙古包畀佢哋休息，估唔到蒙古包好似細細但內裏一應俱全，連廁所都有。佢哋一落車就嗌肚餓，大會安排咗一大枱內蒙美食畀佢哋醫肚，其中超儀最愛係烤餅。演出場地係個大草原，超儀話：「雖然觀眾唔識我啲歌，但佢哋依然好投入，好感動。」
此外，超儀前日到台灣開騷，對鋒芝離婚，佢話唔評論，有指陳冠希（Edison）同女友楊永晴分手，佢講笑話：「如果真的，應該很多女生開心，可以開始預約排隊了。」