米芝蓮由輪胎製造商開始，業務不斷擴張。1900年首次在法國推出《米芝蓮指南》，免費派給汽車維修工人及輪胎經銷商，初期以實用資訊為主，後來加入酒店及餐廳推介。
港3食肆入圍3星
20年代中開始有食肆評級，1星代表同類別中較出眾的餐廳；2星代表傑出美食，值得駕車途中繞道前往；3星代表菜餚出類拔萃，值得專程光顧。按最新公佈香港澳門《米芝蓮指南》，本港僅3家食肆入圍3星，包括四季酒店內的Caprice及龍景軒，尖沙嘴新同樂。
《米芝蓮指南》08年尾首度出香港版，特首曾蔭權、教育局局長孫明揚，及前高官陳方安生等經常光顧的老牌雲吞麪店何洪記奪推介食肆，去年更升級至1星，負責人何馮惠明表示：「以前已知道米芝蓮係本好有說服力嘅guidebook，佢未嚟香港就冇諗自己會唔會有星。做人要向前走，家有咗星，就想得更多星。」
為保持星級，何太表示有少許壓力，「用平常心去做，唔會刻意做啲乜，始終我哋做嘅係傳統粉麪，保持質素最重要。」更指如果人客太多招呼不來，寧願關門暫停營業，以最好食物及服務招待客人。