林莉噚日喺尖沙嘴出席2011中國小姐大賽香港賽區宣傳活動，港姐出身嘅佢今次撈過界，仲有機會幫選美做評判㖭，林莉早前俾人影到喺台灣媾老外，佢有啲勞氣咁解釋：「當日係一大班拍廣告嘅同事一齊坐，嗰個鬼仔自己坐埋嚟扮熟，又攬腰，又不斷講嘢，後來我一杯香檳潑向佢身上，佢好嬲仲想打我咁款，結果一大班同事即刻打發佢走。」