瑞銀上星期搞出個大頭佛，內部投資銀行一個後生仔交易員阿多博里（圖右）被揭發涉嫌違規交易3年，前日公佈招致損失高達23億美元（約179億港元）！較之前估計嘅20億美元嚴重，雖然涉案交易員已被英國當局拘捕，但瑞銀亦不敢怠慢，隨即成立特別調查委員會徹查事件，今次仲要出動到舊年至委任嘅獨立董事、金管局前總裁任志剛。
對於以往做開監管機構嘅任志剛嚟講，今次要化身偵探，搵出案件蛛絲馬迹，相信都唔會難到佢。而同任志剛一齊拍檔調查嘅，都非泛泛之輩，出任調查委員會主席嘅係瑞銀高級獨立董事DavidSidwell，佢係大摩前高層，另一董事AnnGodbehere係瑞士再保險前財務總監。
查瑞銀違規交易案
華華收到瑞銀個聲明，話今次冇客戶嘅倉受到影響，股票業務已恢復正常。今次涉案交易員已被控兩項3年內偽造涉及交易所買賣基金（ETF）嘅交易紀錄，同埋一項今年1至9月嘅欺詐罪。
任志剛自離開金管局後，雖然唔使再打理過千億資產，但佢似乎亦冇停落嚟，先後被委任做建行（939）同瑞銀嘅董事，真係退而不休。
李華華
mailto:[email protected]