又玩LEGO模型展？係就係，不過唔係砌吓車砌吓船咁平凡，而係砌出19齣經典電影場景，所有模型都係早前「樂高建築師大賽——經典電影由我砌」參賽者作品，場景包括《龍貓》、《美女與野獸》、《大白鯊》及《回到未來》等，砌得有心思又細緻。同場還召集大小朋友一起參與製作樂高熊貓模型，邊玩邊為公益金籌款。
日期及時間︰9月24日至10月5日星期一至五2pm至8pm，星期六、日及公眾假期1pm至9pm
地點：海港城海運大廈地下KidX（21188666）
方法︰捐款$40或以上予公益金即可參與製作樂高熊貓模型及於樂高得寶動物遊樂池自由創作，完成製作後將獲贈樂高小禮品。