淺草雷門裏的仲見世商店街掃手信無人不曉。排首位的永遠是各款人形燒，仲要排長龍即買即食！食過翻尋味之際，即掃三、五、七、十盒共宴親朋。其實日本人的手信清單裏才不只人形燒！月見糰子、芝麻鬆餅、脆脆米，統統回家翻叮！感覺又返來淺草啦！
記者、攝影：陳慧敏
翻滾糯米糰子
已經70年的老店，又係賣江戶口味。裏面是飯堂，專營地道下町風味的餐點，即係以前的地道茶樓或茶餐廳。有名的小食有茶味紅豆刨冰類的甜品。特別是特製的糯米糰子，有真空包裝等你買回家，落水燙過再圈上厚厚的花生粉，有得食有得玩的手信呢。
d.淺草うまりもん あづま
地址：台東區淺草1-32-1
電話：（81）0338410190
江戶百年米菓
百年歷史的米菓！出名在到今日仍保留百年前的技術，即是一隻油鑊人手慢慢炸。限定條件是以岡木火爐，以超高級香料，番紅花的油，逐少逐少人手邊炸邊撈免它們粘起來，咬落香脆不說，但有股獨特的香氣，故以前叫「宮黃金餅」，得皇宮貴族食得起。
e.杵屋
地址：台東區淺草1-30-1
電話：（81）0338444550
芝麻鬆餅
拿住相機走近即刻被店長喝住！「對唔住！但我未影相，冇偷影你喎！」佢拿拿臨攞出搞鬼眼鏡，又塞了一個畀唔想理他的同事，捉住要人影相，嚇死！新搬進商店街的店舖。8個口味的鬆餅，芝麻、紅豆、綠茶，番薯、南瓜，隨住季節還有當季特選，仲有日式甜咖喱！剛烘好的像Muffin，暖呼呼的非常鬆軟。
f.東響堂
地址：台東區淺草2-3-1
電話：（81）0338419186
