【記者梁御和報道】新鴻基旗下位於元朗合益廣場的威信停車場，被車主投訴以蠱惑招報細泊車價「引君入甕」，告示大字標明「時租$10」，卻鬼祟以極小字體附註「每半小時」及「最低收費一小時」，消費者付款才知每小時20元，中招者大罵車場手法卑劣。消委會指出，一般人理解「時租」是指一小時，此做法明顯有問題。中文大學巿場學教授冼日明直指情況屬誤導。
繳費時才知中招
被投訴停車場位於元朗牡丹街的當旺位置，現場所見，車場入口大字標明「時租$10」，在「時租」兩字對落卻以超細字體寫「每半小時」，行車期間難以察覺。中招車主黃先生坦言被「10蚊一個鐘」吸引才將車駛進，停泊一小時繳費被收取20元始知中招，他怒斥：「咁大規模嘅公司，用埋呢啲蠱惑招，同不良參茸海味舖嗰啲斤變両手法有乜分別？」記者曾以車主身份向車場職員質詢，對方冷淡地說：「出面個牌寫得好清楚啦！」
記者在車場門口街訪停泊路邊車主，不少大呼曾上當，「見佢咁平就泊入去，諗住買啲嘢半個鐘都唔使，點知最後收廿蚊，佢做法好有問題，非必要都唔會泊入去」。更有車主直言，若車場標明時租20元，根本不會使用。
該區一帶有多個車場，位於朗日路的新元朗中心平日時租只需10元，同屬威信的交通廣場及西菁街富盛大廈停車場，時租13元，均清楚標示每小時收費。
威信停車場表示，合益廣場停車場可讓顧客泊滿基本一小時後，再以半小時為單位計算，又指寫法是根據公司的收費指示牌格式，客戶入場前已可清楚了解收費模式。