唔好以為名牌好掂！《星期日泰晤士報》報道，話永泰地產（369）持有嘅Gieves&Hawkes，以作價1.04億港銀（850萬英鎊）將倫敦1SavileRow嘅旗艦店（圖）賣畀永泰為首嘅財團。
Gieves&Hawkes喺1771年創立，原先做英國軍隊同皇家海軍嘅生意，到咗家陣就專為有錢人同貴族訂做男裝，球星碧咸、威廉同亨利王子都係捧場客。不過，都敵唔過經濟環境轉差，同市場消費模式轉變。
雖然呢個牌子一套西裝起碼4、5萬蚊，但利錢並唔豐厚，舊年營業額1.9億港紙，扣埋燈油火蠟成本要蝕2950萬港紙。佢已經閂咗英國8間專營店，剩低4間專營店同10間舖。雖然英國生意麻麻，但計劃喺中國大展拳腳。同英國BlueBlood做衫冇錢賺，服侍國內大款可能有轉機。