已故殯業大王蕭明之子、賭王何鴻燊前女婿蕭百成，早前病逝，終年62歲，噚日喺北角香港殯儀館出殯，將安葬喺私人墓園。唔少名流都有去到靈堂致哀，如前政務司司長陳方安生、前律政司司長梁愛詩、許晉亨、李麗娟等。陳寶珠都有嚟送蕭百成最後一程，陳寶珠話：「同蕭老太（蕭曾鳳群）相識好多年，所以嚟盡吓心意，場面好莊重。」