混血名模AmandaStrang的911婚禮，終告完成。她在當天穿上MiucciaPrada為她設計的60年代象牙色婚紗，美麗出嫁。視香港為家的她，更在羅馬玩接新娘、900歐元（約9,600港元）開門利是、去監獄餐廳做「老襯」，Amanda在婚禮上更多次感動落淚。
混血名模AmandaStrang上月底在香港和意籍男友Christian註冊，之後在9月11日於意大利羅馬舉行婚禮，邀請了好友如蔡瀾等100名親友到場一同分享喜悅。
入監攞意頭
視香港為家的Amanda，婚禮前一晚更將香港接新娘的傳統搬去羅馬，了900歐元開門利是，之後去了一間前身是監獄的餐廳吃飯，寓意與丈夫都甘願被對方鎖着做老襯，非常搞笑。已回港的Amanda，昨日在餅店開工時對此說：「全個婚禮乜都有啲，因為媽咪係台灣人，佢（老公）係意大利人，我哋覺得唔同嘅background，每個傳統都有啲，但好好。」她續說：「好多人話結婚係入jail（監獄），我哋唔信，覺得好funny。」
Amanda的婚紗由Prada設計師MiucciaPrada度身設計，事前一直非常神秘。這襲象牙色婚紗靈感來自1960年復古設計，採用長拖尾，頭紗釘上古典閃石，設計師更為她配了4吋銀色高跟鞋及親筆寫上祝福句。變身Prada新娘子的Amanda，在一個戶外花園舉行儀式，她由爸爸陪同入場。宣誓時Amanda感動落淚，她昨日說：「我哋互相講咗承諾，非常浪漫，事實係我哋拍拖8年，佢好愛我，我同佢講，未來都要照顧我。」
不丹度蜜月
晚宴以意大利形式舉行，本身開甜品店的Amanda，揀了傳統法式結婚蛋糕，兩人切餅時多次甜蜜kisskiss，之後Amanda換上藍色YSL晚裝，狂歡至凌晨2時，她說：「返香港要搞餅店嘅嘢，下年先去度蜜月，暫定想去不丹。」
採訪：林妙萍
