足迹遍佈全世界的紅姑鍾楚紅，前晚在中環出席時裝騷時透露，希望將遊歷所見所聞跟大家分享，期望有日能成為一名blog旅遊作家，她說：「材料經已有喺手，只係懶未開始寫。」
時裝品牌YSL前晚在中環舉行2011年秋冬時裝展，城中名人馬清揚、錢慧儀、何超蓮、林建岳千金林心兒、霍英東孫女霍詠詩與AmandaS.應邀出席，當中以中性開胸打扮的紅姑鍾楚紅最為嬌艷搶眼，並心情大靚跟大家分享心中大計。
獨行俠未驚過
近年努力做慈善工作的紅姑，最近還有多項計劃進行，而周遊列國更是她每年的大計劃，遊歷半生的她希望繼續去更多地方：「我希望有日能夠寫blog介紹旅遊心得，材料經已有喺手，只係懶未開始寫。」她透露每年都會去七次旅行，習慣了獨自外遊，再會合當地朋友，問到不怕危險？她說：「好多時自己出門，本身好謹慎同埋多經驗。」而法國是她每年必去的，享受美食之餘又順道置裝。
葉德嫻（Deanie）奪威尼斯影后，紅姑大讚Deanie姐極有才華，演得唱得，紅姑拍的第二部戲便是許鞍華執導《胡越的故事》，問到會否戲癮大發也想奪影后？紅姑說：「真係冇諗，有興趣都十幾年前拍唔係家。攞獎都唔敢去諗，我冇咁叻。」
賭王三房千金何超蓮獨自現身，談到是否家姐超雲顧住拍拖無暇理她，超蓮笑稱不知道，但讚賞家姐廚藝了得，她在港讀書時也學過家政愛煲湯，每逢媽咪買湯包回來她都會負責加肉烹調。
將於10月返英國讀書，問到有否男同學追求？超蓮想了片刻說：「冇呀，繼續單身，若果拍拖都唔公開，之前公開兩次都係咁，成日被追訪。」擇偶條件不需要靚仔，也不排除會揀圈中人，會否揀離婚男？她靜了片刻說：「冇諗過。」
超蓮跑車夢碎
超蓮剛考獲車牌，她透露爸爸何鴻燊計劃送贈粉紅色跑車，但媽咪指新牌仔揸跑車危險，改為叫賭王畫一架粉紅色跑車送給她。
採訪：溫敏芝
攝影：林德雄