曼城好好哋贏緊都要嘔返兩分出嚟，喺周日嘅英超打和富咸2:2，點知賽後領隊文仙尼（圖）竟然賴地硬：「我哋現時唔夠球員，我只可以換一對閘同前鋒。」佢話因為占士米拿同尼祖迪莊傷咗，所以中場得返兩個球員用。咁可以勝任中場嘅薩巴列達呢？和咗就和啦，做咩咁多藉口？唔通因為文帥覺得油王班主夠疏爽，諗住有乜依郁就叫佢哋科水買人？