家經濟唔好，好多車廠未必會投放很多人力物力去宣傳入門車，留力做高級車種好過。不過最近Volkswagen偏偏玩例外，早前喺尖沙嘴海中心為新一代Jetta大搞宣傳，更將部車玩「水上飄」，令位於海旁的遊客個個睇到嘩嘩聲。咁落力，當然有過人之處啦！
記者、攝影：蕭漢祥
Model：Renee@StarzPeople
扮大佬Passat
講起Volkswagen，通常都只會想起Beetle、Golf這些車種，對於Jetta這個名號可能會較為陌生，而我對Jetta最初的接觸，都只是在內地坐那種四四方方的計程車。但其實Volkswagen自1979年起推出第一代Jetta，到今次大家見到的版本已經是第六代。
要形容Jetta的個性，我會以「車界王祖藍」來形容，因為它真的扮邊個似邊個，以往大家都會以同門的Golf跟Jetta作比較，更有人將Jetta視為Golf的第二選擇，皆因兩者的外形好相似，尤其是車頭鬼面罩簡直餅印一樣，只不過將車尾由揭背轉為尾箱而已。而今次的第六代，它決定扮同門大佬Passat，車頭設計由以前較為圓潤，變成今日長長方方，更富房車的味道，而車尾亦變成可載510升的尾箱，容量特大。
加有手枕冷氣口
內櫳方面，雖然Jetta只屬入門級，但裏面的用料絕對秉承歐洲車的優良傳統，全車用上真皮座椅，承托力和感覺都好紮實。車門兩邊都裝上木紋用料作點綴，加上車櫳空間比前代更多，意圖將車箱感覺推上中級車層次。而一向只會出現於中級車的前排手枕冷氣口，亦可以在Jetta找到。
雖然有人認為以二十多萬元的車價，買一部入門車好似未必係最佳選擇，不過大家要知道日圓繼續升，現在買一台日本入門車動輒都花上17、18萬元，而且還要是最基本的設備、絲絨座椅、隔音效果較差，倒不如花多少少錢，就有歐洲車的享受。
引擎表現適合港路面
廠方表示已經得到政府的環保車資格，即代表出車時會得到稅務優惠。稱得上環保車，又未必等於性能較弱，今次首先到港的版本是1.4公升直四TSIturbo引擎，可以爆發出122匹最大馬力及早於1,500轉開始使出200Nm最大扭力。
在DSG半自動波箱及雙離合器的協助下，令起動步伐更敏捷，行車表現更暢順舒適，相對來說適合香港多車多燈位多的交通模式。另外，女士們最怕的泊車亦有幫手，車身前後都設有泊車感應系統，由左至右分三段表示與障礙物的距離。無論外在內涵都演繹得有如中級房車，精明的車主們自然識揀！
VolkswagenJetta1.4TSI
引擎：1,390cc直四Turbocharger
馬力：122ps/5,000rpm
扭力：200Nm/1,500-4,000rpm
傳動：7速DSG半自動波箱
登場價：$218,800（比原價平$30,000）
查詢：36989688（VolkswagenHK）