靚太約敏妮月尾去澳門食翅，唔係香港冇翅食，只係靚太識得門路，同佢去一定可以食到靚嘢。不過，自從喺網上見到捕鯊取翅嘅相，本來已經罪孽深重嘅敏妮免得過都唔食。其實，近年嘅澳門，除咗賭、笨豬跳、食翅，仲有唔少好玩嘅嘢。
見敏妮近排好似變咗好酒之徒，朋友forward咗啲相俾敏妮睇，係佢之前去澳門Venetian時，順道參觀軒尼詩X.O展館影嘅。聽佢講，個展館分3個主題，都係講返個品牌嘅歷史，最大開眼界係有唔少絕牌限量品，好似有支「軒尼詩X.OMathusalembyBerluti」全球限量150套，係由軒尼詩同法國經典皮鞋品牌Berluti合作，裝住支酒個箱，由Berluti家族第四代傳人OlgaBerluti親手設計。
朋友得閒鍾意飲番peg酒，所以佢較有興趣係有得試酒嘅品嚐區。個展覽到今個月底，免費入場，睇完可以試埋就喺旁邊嘅Portofino意大利餐廳，朋友讚食品唔差，價錢唔算貴。
溫敏妮
http://wanmanli.com/blogs/