慶鈴（1122）大把現金，汽車本業又靚仔，有得諗。慶鈴手頭淨現金高達56.6億（港銀．下同），即係每股淨現金近2.3元，慶鈴現價2.21元，淨現金講緊同現價一樣，防風力有番咁上下。又慶鈴2011年半年度（6月底止），純利增長超過三成，到2.34億銀。唔好忘記，今年上半年，有日本311地震，原料價貴，加埋阿爺又調控經濟，喺呢個負面影響下，慶鈴仲有純利增長，已經靚仔到非常。慶鈴全年度keep住三成純利增幅，純利上到4.8億銀，預期PE得番11倍，同場內汽車股比，唔差好遠，但集團仍然係NAV折讓最大嘅汽車股。買慶鈴，博2011年度PE上番家陣15倍水位，慶鈴要升40%到3.1元，目標價仲未上到NAV。
首長四方價殘勢彈
首長四方（730）核心業務收入表現，係掛住「首長」牌頭內，最削嘅一家。但集團財務企理，阿媽又夠實力，所以，買首長四方，唔係炒佢業績，而係未來業務壯大機遇。Beforethat，首長四方現價（0.305元）貼住09年低位，殘到爆，冷灶有得煲。短打博升20%到0.37元，首長四方未有耐上到NAV0.62元。
錢雋