曾Sir曾近榮早於64年為麗的呼聲主持節目《學以致用》，為主婦提供不少家事貼士，其實現實生活中曾Sir都大受歡迎，同事們經常向他每事問。昨日傳出曾Sir死訊，跟他合作過的藝人都惋惜不已。
朱維德早年跟曾Sir在無綫節目《婦女新姿》中合作，朱翁昨日獲悉舊拍檔病逝百感交集，他在電話回應說：「八十歲以後真係病欺人，生老病死真係人生必經階段，佢咁就走咗，希望佢走時冇乜嘢痛苦。鏡頭前後嘅曾Sir都係好老實，佢個節目《學以致用》教大家嘅家事貼士真係好實用。」
常識百寶袋
陳曼娜曾在無綫處境劇《餐餐有宋家》扮過曾Sir的新抱，她昨日也說：「佢份人好風趣，一啲都唔盲塞，我都有請教過佢家事貼士，教我去銹同通渠，我返屋企跟住做真係好掂。」譚小環早年在港台節目有跟曾Sir合作，她昨日說：「曾Sir咁本事真冇人可以取代佢。曾Sir係一個百寶袋，佢識好多家務常識，我曾請教過佢點樣解決洗手盆塞咗同清潔水垢，真係好有效。」採訪：比華利