關仁隱事:「笑口棗」遭報復變花面貓 - 關仁

關仁隱事:「笑口棗」遭報復變花面貓 - 關仁

「笑口棗」玩得係人都知,佢一向玩人唔使本,好彩佢人緣好,佢啲朋友都唔會真係嬲佢好耐,可能佢玩得人多,所以有晒心理準備俾人玩番轉頭,關仁知佢有一次同班波友到外地比賽,成班友喺飛機已經玩到癲晒,笑口棗係出名嘅睡寶寶,上到機自然搵周公,班波友即刻報仇咁報,將佢畫成花臉貓,到笑口棗起身落機過海關時,都唔知自己俾人整蠱,沿途啲人見到佢塊臉都笑到掩住半邊嘴,佢仲以為係自己受歡迎,笑到成班波友碌晒地。

Textby關仁