王敏德推出自家品牌MW，首個項目與手錶商合作出手錶，前晚在清水灣舉行派對，王敏德親自揸直升機接載出席袁詠儀（靚靚）、余安安、LisaS.、周汶錡等。
老公咀女即發嬲
王敏德幾乎咀勻全場女嘉賓，和靚靚更嘴對嘴錫足4次，睇到旁人嘩嘩聲，靚靚隨即跟馬詩慧備案。靚靚high極話enjoy：「第一，西方禮儀，第二，識咗咁多年，咁靚仔怕乜呀。」她謂試過當住老公面咀朋友，問到如老公當住她面咀女又接不接受？靚靚答道：「未試過，我呢啲醋酲，會發嬲。」又話會教囝囝咀女，更踢爆囝囝見到靚女就流口水。
同場林莉早前被影到在台灣夜店，向洋漢潑香檳，她指當時洋漢向她搭訕更掃她背，所以潑酒叫停。
採訪：盧妹
攝影：葉君海